|
дунёнигина ғамини емайдилар. Уларнинг энг буюк ғоялари, мақсадлари Аллоҳ Таолонинг ризосидир.
Аллоҳ Таоло оятни
وَاللّهُ رَؤُوفٌ بِالْعِبَادِ
(Аллоҳ бандаларига ғамхўр, меҳрибондир), деган гап билан якунлаяпти. Бандаларга дегани мўминларга деганидир. Аллоҳ Таоло мўминларга меҳрибонлик қилади, уларни яхши кўради, уларга Ўзининг ризосига олиб борадиган йўлни кўрсатади. Токи, мўминлар олий фирдавс жаннатларидаги олий даражаларга эришсинлар.
يَشْرِي نَفْسَهُ
(Ўз жонини беради). Яъни, жиҳод йўлида, Исломга даъват қилиш йўлида сотади, сарфлайди. Аллоҳ Таолонинг мана бу гапи ҳам шу қабилдандир:
إِنَّ اللّهَ اشْتَرَى مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الجَنَّةَ
– „Албатта, Аллоҳ мўминларнинг жонларини ва молларини улардан жаннат баробарига сотиб олди“. [9:111]
Ибн Аббос, Анас ибн Молик ва бошқаларнинг р.а. айтишича, бу оят улуғ саҳоба Суҳайб ибн Синон Румий ҳақида нозил бўлган. У Маккада мусулмон бўлиб, Мадинага ҳижрат қилмоқчи бўлганида мушриклар, мол-давлатинг билан кетмайсан, уни ташлаб кетасан, деб шарт қўйишган. Суҳайб р.а. шундай қилган. Уларга мол-давлатини берган. Яна бир ривоятда Маккадаги мол-давлати қаердалигини уларга айтиб берган ва ҳижрат қилган. Шунда Аллоҳ Таоло у ҳақда шу оятни нозил қилган. Уни Умар ибн Хаттоб ва бир қанча одамлар қарши олишиб, Ҳарра томон бошлаб борар эканлар, савдоинг яхши даромад келтирди, дейишди. У, Аллоҳ сизларнинг савдоингларни ҳам касод қилмасин, нима деяпсизлар ўзи, деди. Саҳобалар унга, Аллоҳ Таоло у ҳақда мана шу оятни нозил қилганини ва бу ҳақда уларга Пайғамбар с.а.в. хабар берганини айтиб беришди.
Ҳорис ибн Абу Усома ўзининг «Муснад»ида ва Ибн Абу Ҳотим Саъид ибн Мусайябдан мана бу ҳадисни чиқарганлар: Суҳайб ҳижрат қилиб Пайғамбар с.а.в.нинг олдиларига келаётганида бир неча қурайшликлар унинг изидан тушдилар. У отидан тушиб, ўқдонидаги ўқларини олиб, эй Қурайш жамоаси, менинг қанчалар мерганлигимни биласизлар, Аллоҳга қасамки, то менинг олдимга етиб келгунингларча ўқдонимдаги ҳамма ўқимни отаман, ундан кейин қўлимда қолгани қиличимни олиб жанг қиламан, ана ундан кейин хоҳлаганингларни қилаверинглар, агар истасанглар, сизларга Маккадаги мол-давлатимни беркитган жойимни айтаман ва шу билан сизлар мени қўйиб юборасизлар, деди. Улар, хўп, дейишди.
173-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208